السلام عليكم

 

  حبيت اني اطرح موضوعي الجديد عن الصيف والسفر والاجازه بشكل عااام

 

  الكل يعرف ان الصيف يعني سفر يعني راحه من كل شي

 

 وطبعا اكثر ناس يشتاقون للصيف هم الطلاب لان الصيف بالنسبه لهم الفكه من الدراسه وعنا وتعب 10 شهور تقريبا

 

 بالنسبه لي ما يهمني المكان اللي اسافر له ،، بقد ما يهمني السفر نفسه   ،، صح اني اتشرط في البدايه لكن بالنهايه اسافر حتى لو كان المكان مو ذاك الزود   >>>>>> احمدي ربك  

 

الصيف اللي فات بصراحه انبسطت كثير  رغم اننا ما طولنا عشان ابوي كان عنده دوام ،، وما اعطوه اجازه الا بعد طلعة الروح

 بس عوضناها وكملنا اجازتنا في بداية الدراسه ،، واخواتي اللي بالمدارس ما داوموا اول اسبوع <<<< خير ان شاء الله مدارس ابوكم

 

 الموووهم ،، أنا فتحت هالموضوع عشان اعرف انطباعاتكم عن الصيف والسفر بالذات

  بتسافرون والا لا ،، وين بتسافرون ،، ايش الاماكن اللي تحبون تروحون لها كل ما تسافرون ،، واذا احد عنده مواقف صارت له بوحده من سفراته لا يبخل علينا ..

 

أبدا انا ،،  نحب نسافر لبنان مدري ليه  ،، فيه اماكن ما نستغني عنها بلبنان مثل الفندق( ليجوند ) ،، السوليدير <<<<< اهم شي

وملاهي البيال <<<<< هبال هناك انا واخواتي

 ولا تهون المطاعم وخاصة كوفي شوب على البحر عند الروشه  له ذكريات خطيره

وغير كذا لما نجوع آخر الليل ،، نكلم مطاعم التوصيل ونطلب خفايف بسيطه لكن تعالوا شوفوا الفاتوره <<<< مو انتوا طالبين المطعم كله

ومالنا الا جيب الوالد الغالي الله يخليه

 

 خلصت <<<<< ماتنعطين وجه

 

 يالله لا تبخلون علينا بردودكم الحلوه

 واعتبروا الموضوع لكم ،، طلعوا اللي بقلوبكم

استروا ما واجهتوا 

فمااان الله

 ملاحظه : أهديكم اغنية على بن محمد ( الصيف قرب ))

 

http://gulf.salmiya.net/songs/ali/ram/ali37.ram

السلاااااام عليكم ورحمة الله وبركاته

 أولاً : حياكم الله في سبيسي المتواضع >>>> ايه وبعدين

 يا هلا والله ،، وش تشربون ،، قهوه ،، شاهي ،، نعناع ،، كبتشينو ،، موكاتشينو ،، هوت تشوكلت ،،والا وش رايكم بحلبه <<<<  احس انكم بتضربوني

المهم  <<<<<  ايه اخلصي  

بما انو احنا الايام هذي اختبارات ،، وما ادراك ما الاختبارات

راح اعطي شوية نصايح على الخفيف ،، درستها هذا السمستر في مادة علم نفس تربوي <<<< والله خايفه من هالماده مره صعبه الله يستر

 اولا : ترى اللي ما ذاكر من بداية السمستر  ،، لا يحاول ابد ابد انه يجيب الفل مارك - الدرجة الكامله 

    بس انه ينجح ان شاء الله

 

ثانيا : تقسيم الماده شي مهم جدا جدا ،، بحيث انك تقسم الماده لعدة فصول ،، وبين كل فصل تاخذ بريك  >>>> اهم شي البريك

 

 ثالثا : اممممم ،، كثروا من اكل الزعتر ،، تراه يقوي الذاكره ،، واشربوا مويه كثير ،، ولا تطلعون من البيت الا وانتم فاطرين ،، زعتر طبعا

 

رابعا : خلوا أوراقكم وكتبكم في البيت  وتوقفوا عن المذاكره قبل ما تطلعون من البيت ،، ولما تروحون المدرسه لا تتناقشون بالاختبار ابد ابدا

 

 خامسا : اهم شي اهم شي تتوكلون على الله ( فمن توكل على الله فهو حسبه ) ولا تنسون الاذكار والادعيه عشان الاختبارات .

سادسا : ذاكروا زين زين واهم شي ركزوا وادرسوا كل الماده كامله ولا تتركون شي

 

 خلصت <<<<<<<< اخيرا

 

 آخر شي الله يوفقكم ويوفقني انا قبلكم

 والله يوفق اخواتي واخوي وبنات عمتي وكل عيلتنا يا رب

 يالله ما أطول عليكم

فمان الله